Ministria e Shëndetësisë dhe Mbrojtjes Sociale ka për mision hartimin dhe zbatimin e politikave për sigurimin e një kujdesi shëndetësor dhe mbrojtjes sociale sipas standarteve të akteve ligjore dhe nënligjore të miratuara në Republikën e Shqipërisë.

Prioritetet e sektorit shëndetësor për periudhën 2022-2024

• Financimi i shërbimeve shëndetësore (parësore e spitalore);
• Qëndrueshmëria dhe përmirësimi i situatës financiare institucioneve shëndetësore e të mbrojtjes sociale, nëpërmjet përdorimit me efektivitet të burimeve të financimit, forcimit të kontrollit të shpenzimeve;
• Rritja e kosto-efektivitetit të listës së barnave e pajisjeve të rimbursueshme;
• Financimi i paketave të miratuara të shërbimit spitalor në spitalet publike e jopublike;
• Pagesat për kujdes shëndetësor, sipas marrëveshjeve ndërkombëtare të nënshkruara;
• Intensifikimi i punës për kostimin e shërbimeve të reja shëndetësore, në kujdesin shëndetësor, me synim ndryshimin e mënyrës së financimit të shërbimeve shëndetësore;
• Financimi i shërbimit të kontrollit bazë mjekësor bazë për të paktën 50% të numrit të shtetasve të moshës 35-70 vjeç.
• Blerja e vaksinave anti-Covid 19 për të mundësuar vaksinimin masiv të popullsisë si një nga objektivat madhorë të Qeverisë Shqiptare.

Programi “Shërbime të Kujdesit Shëndetësor Parësor”

• Mbulimi universal i popullsisë me shërbim shëndetësor duke parashikuar 6.4 milionë numër vizitash në periudhën 2022-2024, mbështetur në treguesit e sëmundshmërisë.

• Ofrimi i shërbimit të kontrollit bazë (check-up) për mesatarisht 475 mijë pacientë në vit;

• Trajtimi me recetë rimbursimi i mesatarisht 400 mijë pacientëve në vit, përgjatë periudhës 2022-2024.

Programi “Shërbime të Kujdesit Shëndetësor Dytësor”

• Numri i pacientëve të trajtuar mesatarisht 340 mijë pacientë në vit për periudhën 2022-2024;
• Rritja e numrit të pacientëve që përfitojnë nga paketat e kardiokirurgjisë dhe kardiologjisë (200 pacientë më shumë në vitin 2023 nga 8 600 pacientë në vitin 2022);
• Numri i pacientëve përfitues nga shërbimi i dializës për vitin 2022 parashikohet rreth 1,500 pacientë, e çdo vit shtohen rreth 120 pacientë. Mesatarisht çdo pacient kryen 13 seanca në muaj. Për periudhën 2022-2024 parashikohet rritje e ndjeshme e numrit seancave për pacientët që përfitojnë nga trajtimi me dializë nga 234 mijë seanca në vitin 2022, në 271 mijë në vitin 2024;

• Trajtimi mesatarisht i 25 fëmijëve në vit më Sindromën Down përgjatë periudhës 2022-2024.
• Reduktimit të kohës aktuale prej 15 ditësh të pritjes për ekzaminime të rëndësishme (rezonancë magnetike, skaner etj.);
• Mesatarisht 15% më shumë çdo vit gra të  depistuara për kancerin e qafës së mitrës, përgjatë 2022-2024  me synim uljen e vdekshmërisë nga kanceri i qafës së mitrës nga 2.6/100 000 në vitin 2022 në 2.5/100 000 në vitin 2024.
• Rritja e numrit të thirrjeve të adresuara në njësitë e Urgjencës mjekësore nga 650 mijë thirrje në vitin 2021 në 800 mijë thirrje në vitin 2024, me një kohë reagimi mesatarisht prej 15 minutash.

Në fushën e mbrojtjes sociale, Ministria e Shëndetësisë dhe Mbrojtjes Sociale synon zbatimin me sukses të reformës së programit të përkujdesit social në tre shtyllat kryesore të tij: Ndihma Ekonomike, Paftësia e Kufizuar dhe Shërbimet Sociale. Më konkretisht synohet:

• Numri i familjeve dhe individëve në nevojë që pritet të përfitojnë nga skema e ndihmës ekonomike parashikohet të jetë mesatarisht 66 mijë përfitues në vit përgjatë periudhën 2022-2024
• Numri i përfituesve nga PAK dhe kujdestarëve të tyre parashikohet të shkojë nga 167 mijë në vitin 2022 në 174 mijë në vitin 2024.

• Mbështetja e personave nga grupet e pafavorizuara përmes punësimit në ndërmarrjet sociale synohet që në periudhën 2022-2024,  të realizohet duke punësuar 200 persona çdo vit.
• Gjithashtu, krijimi i fondit social synon mbështetjen e njësive të vetqeverisjes vendore për ofrimin e 20 shërbimeve të reja sociale territoriale për grupet në nevojë dhe mbështetjen e familjeve të NE me paketa sociale shëndetësore.