Ø  Çdo pacient ka të drejtën për akses në shërbimet shëndetësore sipas nevojës vetjake shëndetësore.

Ø  Shërbimet shëndetësore duhet të garantojnë akses të barabartë për këdo

Ø  Çdo pacient ka të drejtën e një shërbimi të duhur me qëllim parandalimin e sëmundjeve.

Ø  Çdo pacient ka të drejtën për akses ndaj çdo lloj informacioni lidhur me gjendjen e tij shëndetësore, shërbime shëndetësore dhe për çdo kërkim shkencor apo inovacion teknologjik që mund të jetë i përdorshëm.

Ø  Çdo pacient ka të drejtën e konfidencialitetit të të dhënave personale.

Ø  Çdo pacient ka të drejtën për një shërbim shëndetsor të cilesisë së lartë bazuar në specifikimet dhe respektimit të standardeve të sakta dhe të miratuara.

Ø  Çdo pacient ka të drejtën për të qenë i mbrojtur nga dëmtimet dhe rreziqet e shkaktuar nga mosfunksionimi i duhur i shërbimeve shëndetësore, kequshtrimit të profesionit mjekësor dhe gabimeve, dhe të drejtën për të pasur një shërbim dhe trajtim shëndetësor që plotëson standarde të larta sigurie.

Ø  Çdo pacient ka te drejtë të ankohet kurdoherë që vuan një dëmtim dhe të drejtën për të marrë përgjigje apo mënyre tjetër reagimi

Ø  Çdo pacient ka të drejtë për të marrë kompesim të mjaftueshëm kurdoherë që pëson dëm fizik ose moral, si dhe dëm psikologjik si pasojë e një trajtimi të shërbimit shëndetësor.

Në rast se mendoni që ju janë shkelur të drejtat tuaja nga institucionet publike dhe private që ofrojnë kujdes shëndetësor, secili nga ju mund t’i drejtohet:

• Drejtorisë së Qendrës Spitalore Universitare “Nënë Tereza”, spitaleve rajonale apo bashkiake, përmes një kërkese apo ankese me shkrim
• Avokatit të Popullit, përmes një ankese me shkrim
• Komisionerit për Mbrojtjen nga Diskriminimi (në rast trajtimi të pabarabartë në ofrimin e kujdesit shëndetësor), përmes një ankese me shkrim
• Komisionerit për të Drejtën e Informimit dhe Mbrojtjen e të Dhënave Personale (në rast se autoritetet nuk japin informacionin e kërkuar lidhur me shërbimin shëndetësor), përmes një ankesë me shkrim
• Prokurorisë së Rrethit, duke denoncuar shkeljen
• Gjykatës Administrative (për të kërkuar dëmshpërblim, etj), nëpërmjet një kërkesë-padie të përgatitur prej jush ose një avokati
• Shoqatave të shoqërisë civile për të marrë këshillim ligjor apo përfaqësim ligjor